جريا على العادة التي دأبت عليها الأوساط الإعلامية في اختيار نجوم السنة و في شتى الميادين ،، فقد بادرت أسرة موقع بالمكشوف ،إلى القيام باستفتاء بين السادة القراء لإنتخاب نجم آفل من نجوم المعارضة المدحورة.
و قد صوت المشاركون لـ..خميس الشماري.. و صوتوا عليه بإجماع باعتباره قيدوما عايش كل الأجيال المسوسة (عفوا،،المسيسة) و خط إسمه بسواد الفحم على لائحة طوابير السفالة ، و تسلق سلم النذالة...حتى بلغ العلياء..طبعا نحن لا نقصد زوجته السيدة علياء الشريف.
و بمناسبة هذا التتويج ، حاورت أسرة الموقع هذا الجهبذ ، و نقلت المقتطفات التالية :
- سي خميس قبل البدء ،، ما سر تفضيلك لتسمية خموس ؟
* خميس الشماري : السبب بسيط ، وبسيط جدا ، وهو أن إيقاع خموس يذكرني دوما بإيقاع كلمة " فلو س " ، إللي تحيّ النفوس وترد الذيول روس .
- إختارك قراء الموقع نجم النجوم الآفلة في صفوف المعارضة ؟
* خميس الشماري : أنا نجم بالفم المليان ،، وربي أعطاني كل شيء بكمالو .. وإللي وصلتلو سهرت من أجلو الليالي ، وبعت عليه النوم العزيز الغالي .. والصحيح ما يلعبني حتى واحد ، واللي تقول عليهم نجوم أحسنهم حموم ردوم .
- نراك مبالغا في النرجسية والغرور ، أفلا تحسب لنجيب الشابي ومصطفى بن جعفر ومنصف المرزوقي ... حسابا ؟
* خميس الشماري : والله إللي قتلي عليهم لا نقبلهم ولا نبغيهم ،، ويبقاوا في الآخر صناع .. ويا ذنوبي لو كان ينجموا يخرجوا من القاع .
- ســــي خميس ألا ترى أن النشاط المعارض فيه أخذ وعطاء ، وإثراء لمفهوم الشراكة في الفعل السياسي ؟
* خميس الشماري : المهبول وحدو ، ياخو ويعطي ،، أما إللي بعقلو كيفي أنا ياخو وما يعطيش... والإثراء إللي تقول عليه، ما يكون إلا لحسابي الخاص ،، وغير هذا إلكلو حديث في حديث .
- سي الشماري يروج أن اصدقاءك الفرنسيين سيحيلونك على التقاعد لتقدمك في السن ، سيما وأنه لم يقع الإستنجاد بخدماتك كخبير دولي في المجال الحقوقي منذ فترة طويلة نسبيا ؟
* خميس الشماري: هذا كلام أنذال..و الفرنسيس ديما رجال،، ما يلوحوش أصحابهم، و ما يغدروش بأحبابهم ..أش خلاني،، و أنا شايب نزيد نخدمهم حتى لو كنت على عكاز عايب...لا نرجع ولا نتوب ولا نسلم في أغلى محبــــــوب .
- سي خميس ألهذا السبب كان دفاعك عنهم مستميتا خاصة عندما طالب السيد أحمد الإينوبلي باعتذار فرنسا على فترة إستعمارها لتونس ؟
* خميس الشماري : خير فرنسا مغرقني من ساسي لشوشة رأسي ، ويا حسرة على الإستعمار لو كان يرجع حتى لمدة نهار... هذوما ناس قباح إللي يحبوا فرانسا تطلب من تونس السماح .
- تردد بعض الألسن أن صفة خبير حقوقي هي غطاء تستغله للقيام بمهام قذرة لفائدة أجهزة مخابراتية ؟
* خميس الشماري : كيما قتلك أنا إسمي خموس تلقاني وين ثمة الفلوس ..عندي المخابرات والخيانات والرشوات والقوادات ، بكلها كيف كيف..مادامت كل الطرق تؤدي إلى الحنينات ( ويضحك بهستيريا واضحة ).
- نراك في الفترة الأخيرة تكثر من إصدار بيانات التذمر من تعرضك إلى المضايقة والمحاصرة .. فبماذا ترد ؟
* خميس الشماري : المضايقة والمحاصرة ما نعرفها كان في تكتيكات لعب الكورة ، أمّا في السياسة هذاك بكلو ماعون صنعة ،، ديما نشكي وديما نبكي ، ونصيح إجريولي ... ياخي كيفاش إختاروني " نجم آفل " ولو كان مـــــــا جاش الماعون في يدي .
- يعني أن تلك البيانات لا أساس لها من الصحة ؟
* خميس الشماري: والله حكايات الصحيح و الباطـل ما عـادش تعنيني،،
المفيد الواحد يبقـى à la page باش ما يتنساش ، وتزيـد الأسهـم متاعـو تطلع في أسواق سيدي بومنديل ،، عفوا في أسواق سيدي بوبرطلة .
- سي الشماري قيل الكثير عن وقوفك ضدّ ترشح السيدة سهير بلحسين لمنصب رئيس الفيدرالية الدولية لحقوق الإنسان .. هل من تفسير ؟
* خمسي الشماري : يا وليدي الدنيا مصالح ،، واللي يلعبلك بقوتك راهو ناوي على موتك ،، وأنا في الزرد الحقوقية كالفريك ما نحب شريك .. نعرف سهير مقص ،، نخاف لا تحجملي وتخليني نبلع ونغص .
- هل من توضيح ؟
* خميس الشماري : صاحب صنعتك عدوك ... الكل يعرف إللي رأسمالي جاي من الفيدرالية ،، أش يكون مصيري إذا نمشي أنا .. وتقعد هي ..!
- نرى أنك ذو خبرة ، وبلغتنا الدارجة محاسبي كبير ...
* خميس الشماري : من صغري نحسب صحيح ،، على هذاك لا ندردع ولا نطيح .. ديما نضرب راسين برأس ،، كيما أعملت في الرابطة، وفي الأم دي أس (MDS) ، نلقى راحتي كي نحربها ، وتدوم مصلحتي كي نخربها .
- سي خميس ، فاتنا أن نعلمك ان هذا الحوار هو حلقة من الكاميرا الخفية ، يعني أن جائزة النجم الآفل رمزية ، لم ترصد لها مبالغ مالية …
* خميس الشماري : ( ينتفض من مجلسه ) عاد قتلي من بكري راني لا شيحت ريقي ،، ولا اقدحت لا في عدوي .. ولا في صديقي .
ويغادرنا خموس ناقما ساخطا ، مثله مثل كل اللذين وقعوا في فخاخ الكاميرا الخفية ، وفرّوا من مكان وقوعهم لا يلوون على شيء غير مواراة وجوههم خوفا من الفضيحة ، ومن إستهزاء أصحاب " العيون الصحيحة " .
